東西 : 加油呀！流過汗水嘅學習係會銘記於心...Meta : 吓？咁我溫書時係咪唔好開冷氣呀？東西 : 發瘟啦你！仲唔爬快啲，幾個連載都未上到去嘅話，讀者會話你呃鐘㗎！Meta : 我見悶悶哋，傾吓偈啫。係呢~你嘅人生意義係咩呀？
東西 : 又嚟人生意義？你唔係講麥兜嗰啲本質訝？
Meta : 嘩！唔好亂噏呀你，小心俾人吿侵權呀！
東西 : 都係都係，小心啲好！
Meta : 東西...我唔小心...有少少急屎添...
東西 : 嘩！唔怪得我聞到臭屁味啦！好麻煩呀你。呢度環境清幽，童話世界一般嘅美景...就俾你個臭屁破壞咗喇！
Meta : 嘻嘻！放咗個屁又好似冇咁急，其實我係利用個屁嘅反作用力，令我更加強大加速...
東西 : 講咩呀你...
東西 : 點解要我一個人上去？Meta : 因為你行動敏捷啲...東西 : 咁我上去做乜？Meta : 乜你唔知天界有隻鵝，䁱生金蛋㗎咩？
東西 : 我知我知，我仲知道有隻巨人添...哼！你老點我一個上去，係你怕危險之嘛！
Meta : 冇老點冇老點...我會喺呢度掩護你！
東西 : 哦！咁都冇咁驚！咁我淨係拎隻鵝乸，定係拎埋佢老公呢？
Meta : 噫！乜佢有老公㗎咩？
東西 : 我都係估吓...
Meta : 如果有就拎埋啦！
東西 : 我一個人拎唔到咁多野喎，不如一齊啦！正所謂人多好辦事...
Meta : 咁咁咁...唔拎老公啦！
東西 : 咁亞鵝乸會會好悶呢？
Meta : 佢好似同佢老公唔啱㗎！聽講離咗婚，你帶鵝乸落嚟，比佢見識吓地界嘅鵝係幾咁雄渾激情...
東西 : 係？介紹比我識吖！！
Meta : 吖你個死人頭，而家你嘅任務係上去拎鵝乸落嚟，莫非你淆底？
東西 : 係你淆底之嘛！叫你一齊又唔一齊！
Meta : 哎！後生仔即係後生仔，我同你一齊上去又何妨呢？只係怕你有危險，後面冇咗support，既然你咁講，我就同你一齊上去玩吓啦！
東西 : 好！就憑你呢一句，我就留喺呢度，做你後面嘅守護！
Meta : 係一齊呀！而家我哋改變策略，決定共同進退！
東西 : 好！你要行快啲呀，以你嘅資質，堅係怕你跟唔住...
